Cwricwlwm Cymreig--Addysg Bersonol a Chymdeithasol
Bwriad y dolenni canlynol yw cyfeirio defnyddwyr at adnoddau'r Rhyngrwyd o fewn Cymru ar y We a fydd o ddefnydd i ddysgu Addysg Bersonol a Chymdeithasol mewn ysgolion.
Mae nifer o wefannau'n cynnwys deunydd a grëwyd yn arbennig i ysgolion, neu'n cynnig gwybodaeth am gyfleusterau sy'n darparu ar gyfer ymweliadau ysgol. Mae gan y gwefannau hyn eicon addysg ar waelod y disgrifiad o'r adnodd, ond gall gwefannau heb eicon gynnwys deunydd gwerthfawr yn aml, hefyd.
Ceir cysylltiadau anorfod rhwng nifer o bynciau ABCh, felly mae llawer ohonynt yn gorgyffwrdd o fewn y canllaw hwn.
Yr Agwedd Gorfforol
Mae agwedd gorfforol ABCh yn ffocysu ar hybu iechyd, ffitrwydd corfforol a phwysigrwydd diogelwch bwyd, gan hyrwyddo'r syniad o gadw'ch hun yn iach ac yn ddiogel yn yr amgylchedd gorfforol trwy edrych ar y peryglon sy'n gysylltiedig ag alcohol, cyffuriau ac ysmygu.
Dolenni ABCh sydd gan Cymru ar y We:- Hybu iechyd
Mae nifer o adrannau o fewn Cymru ar y We yn cynnwys gwefannau sy'n ymwneud â hybu iechyd, gyda nifer ohonynt yn darparu ar gyfer ysgolion yn benodol. Maent yn cynnwys 'Ysgolion Hybu Iechyd', 'LifeBytes', 'Yr Ystafell' a 'Mind, Body and Soul'. Gellir gweld nifer o wefannau hybu iechyd eraill o bob rhan o Gymru, hefyd, gan gynnwys 'Safle Bws' (Conwy), 'Ysgolion Iach' (Sir Ddinbych), 'Prosiect Ysgolion Sir Benfro sy'n Hyrwyddo Iechyd' a 'Cardiff Catering', gwefan am leihau gorbwysedd ymysg plant. - Colli pwysau
Mae'r adran hon yn darparu mynediad at adnoddau am orbwysedd a bwyta'n iawch, gan gynnwys 'Big Fat Problem' y BBC. - Ffitrwydd corfforol
Gellir gweld nifer o weafnnau'n ymwneud â ffitrwydd corfforol yn Cymru ar y We, gan gynnwys mentrau a sefydlwyd gan Gyngor Chwaeaeon Cymru er mwyn hybu a chynyddu proffil chwaraeon ymysg gwragedd a merched, ac annog gwell cyfranogiad. - Alcohol (iechyd), Alcohol (lles cymdeithasol)
Dwy adran sy'n tynnu sylw at y problemau sy'n gysylltiedig ag alcohol a goryfed. Mae nifer o'r gwefannau'n edrych ar y niwed a wneir wrth yfed gormor, gan restr nifer o'r gwasanaethau yng Nghymru a all helpu pobl â phroblemau alcohol. - Ysmygu
Mae'r adran hon yn cynnwys mynediad at nifer o adnoddau sy'n tynnu sylw at y problemau iechyd a gysylltir â smygu. - Addysg cyffuriau
Rhestrir nifer o wefannau addysg cyffuriau o fewn Cymru ar y We, megis 'Talk to Frank'. Gellir cael mynediad at sawl gwasaneth ar draws Cymru gyfan, a sefydlwyd er mwyn helpu'r rheiny sy'n dioddef o gamdrin cyffuriau ac er mwyn tynnu sylw at beryglon cymryd cyffuriau a bod yn gaeth i gyffuriau, hefyd. - Diogelwch bwyd
Mae nifer o adnoddau ar gael erbyn hyn sy'n darparu cyngor a gwybodaeth i'r cyhoedd a'r llywodraeth am fwyd, maeth a hylendid. - Rhaglenni diogelwch y cyhoedd a Throseddeg
Darperir mynediad at ystod eang o adnoddau am ddiogelwch y cyhoedd, atal troseddau a gwneud ein cymunedau'n lefydd mwy diogel yn yr adrannau hyn. - Chwaraeon a hamdden
Mae gan Cymru ar y We gannoedd o ddolenni am bob math o chwaraeon a gweithgareddau hamdden. Gellir gweld adrannau am ddawns a chwaraeon dŵr yng Nghymru, hefyd. - Beicio a Cherdded
Gellir cael mynediad at nifer o adnoddau cerdded a beicio yma, hefyd, gan gynnwys rhai gwefannau o ddiddordeb penodol, megis 'Llwybrau Diogel i Ysgolion', gwefan elusen trafnidiaeth gynaliadwy sy'n annog pobl i gerdded, beicio neu ddefnyddio trafnidiaeth gyhoeddus yn hytrach na mynd mewn car.
Yr Agwedd Rywiol
Hybir rhyw diogel ac anogir unigolion i gymryd cyfrifoldeb dros eu hymddygiad rhywiol gan agwedd rywiol ABCh. Mae'r adran hon yn ffocysu'n bennaf ar beryglon afiechydon a drosglwyddir yn rhywiol, argaeledd gwahanol fathau o atal cenhedlu a'r gyfraith o ran ymddygiad rhywiol.
Dolenni ABCh sydd gan Cymru ar y We:
- Iechyd rhywiol
Mae'r adran hon yn cynnwys gwefannau am leihau nifer y beichiogiadau yn yr ifanc, heintiau a drosglwyddir yn rhywiol ac ymarfer rhyw diogel. - Afiechydon yn ymwneud â HIV/AIDS
Gellir cael mynediad at wefannau sy'n cynnig cefnogaeth i'r rheiny sy'n HIV+ neu sy'n dioddef o AIDS, ac am ymgyrchoedd i atal lledaeniad HIV ac AIDS yn y DU, yma.
Yr Agwedd Amgylcheddol
Mae agwedd amgylcheddol ABCh yn hybu ymwybyddiaeth disgyblion o broblemau amgylcheddol y byd ac o'r syniad o Ddatblygiad Cynaliadwy. Mae'n annog defnyddio'r amgylchedd mewn ffordd gyfrifol, gan ddarparu gwybodaeth am sut gall newidiadau bach yn eich bywyd wneud gwahaniaeth i'r amgylchedd fyd-eang. Denfyddir adnoddau gan Ddatblygiad Cynaliadwy yn y fath ffordd fel nad yw;n effeithio anghenion cenedlaethau'r dyfodol, gan sicrhau bod ardal yn cynnal ei harwyddocâd naturiol neu ddiwylliannol. Mae gan Gynulliad Cenedlaethol Cymru ddyletswydd cyfreithiol rhwymol i ddilyn Datblygiad Cynaliadwy, a dyma un o'r unig dri o gyrff yn y byd sydd â Datblygiad Cynaliadwy wedi ei gynnwys yn ei gyfansoddiad.
Dolenni ABCh sydd gan Cymru ar y We:
- Yr amgylchedd a datblygiad cynaliadwy
Dyma ganllaw addysgiadol am yr amgylchedd a datblygiad cynaliadwy yng Nghymru. Fe'i crëwyd yn arbennig ar gyfer y Cwricwlwm Cymreig. Mae'r canllaw hefyd yn berthnasol ar gyfer Addysg Bersonol a Chymdeithasol, gan edrych ar ynni adnewyddadwy, ailgylchu, arbed ynni a chanolfannau amgylcheddol awyr agored yng Nghymru.
Yr Agwedd Gymunedol
Mae'r adran hon yn cynnwys adnoddau am adfywio cymunedol, materion amlddiwylliannol, anffafriaeth hiliol a dinasyddiaeth yng Nghymru. Bydd yn darparu cyfle i chi ymchwilio i, a gwerthfawrogi, amrywiaeth diwylliannol a darganfod mwy am yr holl genhedlau a chrefyddau sy'n cyd-fyw yng Nghymru. Mae'r agwedd hon o ABCh hefyd yn ffocysu ar Ddinasyddiaeth Gweithredol a'r angen i chwarae rhan eang yn y gymdeithas, gan bwysleisio'r angen i werthfawrogi a deall holl ddiwylliannau Cymru a'r syniad o fyw mewn cymdeithas ddemocratig. Hybir y syniad o gyfleoedd cyfartal gan Agwedd Gymunedol ABCh, gan gynnwys pwysigrwydd gwerthfawrogi treftataeth ddiwylliannol Cymru a'i dimensiwn aml ddiwylliannol. Mae hefyd yn edrych ar strwythur y llywodraeth yng Nghymru a phwysigrwydd deialog, mynegiant a cyfraniad gwleidyddol.
Dolenni ABCh sydd gan Cymru ar y We:
- Cymunedau ar-lein
Mae gan Cymru ar y We restr o nifer helaeth o wefannau cymunedol o bob rhan o Gymru, gan adlewyrchu sawl agwedd o fywyd cymdeithasol. Gellir cymharu bywyd mewn nifer o leoliadau ar draws Cymru trwy'r gwefannau cymunedol, gan gasglu gwybodaeth sy'n ymwneud â phentrefi o Ynys Môn i Gymoedd De Cymru, a phob ardal rhwng y ddau. Mae gweafn 'Capture Wales' gan y BBC hefyd yn galluogi pobl i adrodd eu hanesion mewn ffordd newydd, gan ddefnyddio offer cynhyrchu amlgyfrwng. - Adfywio cymunedol
Mae adfywio cymunedol hefyd ar flaen yr agenda heddiw yn y Gymru wledig a threfol fel ei gilydd. Ceir mynediad at nifer o wefannau'n ymwneud â mentrau adfywio cymunedol ym mhob ardal ar draws Cymru yn yr adran ar ddatblygiad cymunedol. - Yr iaith Gymraeg
Mae treftadaeth ddiwylliannol Cymru yn unigryw, ac mae dwyieithrwydd yn rhan annatod o'n cymdeithas. Darperir mynediad at amryw o adnoddau'n ymwneud â'r iaith Gymraeg a dwyieithrwydd yng Nghymru yn yr adran hon, gan gynnwys adnoddau am hanes yr iaith Gymraeg a'r nifer o gyfleoedd sydd ar gael i'r rheiny sydd am ddysgu'r iaith. - Grŵpiau ethnig a hiliol
Gwelir nifer o grŵpiau yng Nghymru sy'n taclo hiliaeth ac sy'n hybu Cymru amlddiwylliannol. Mae'r adran hon o fewn Cymru ar y We yn cynnwys mynediad at y grŵpiau hyn, yn ogystal ag adnoddau am grŵpiau cymunedol yng Nghymru megis Somaliaid, Yemeniaid a phobl o'r Caribî a chanol Affrica. - Lleiafrifoedd ethnig: gwasanaethau
Mae Cymru ar y We yn cynnwys mynediad at nifer o wasanaethau sy'n cefnogi lleiafrifoedd ethnig yng Nghymru a'r DU. - Grŵpiau a chenhedloedd eraill yng Nghymru
Gellir gweld nifer o adnoddau gan gynnwys rhai am Armeniaid, Palesteiniaid, Pŵyliaid a'r Sipswn yng Nghymru yn yr adran hon. - Ffoaduriaid
Darperir gwasanaethau a gwybodaeth i geiswyr lloches a ffoaduriaid yng Nghymru ar nifer o wefannau. Mae'r gwasanaethau hyn yn bodoli er mwyn gwella eu hamodau a hybu dealltwriaeth y cyhoedd o faterion ffoaduriaid a cheiswyr lloches. - Crefyddau'r byd
Mae nifer o wahanol grefyddau'n cyd-fyw yng Nghymru. Darperir mynediad i adnoddau am Fwdhaeth, Hindŵaeth, Iddewiaeth, Islam a Ffydd y Baha'i yn yr adran hon. - Yr henoed, Anableddau, Seicoleg cymunedol, Anhawsterau dysgu
Mae gan Cymru ar y We nifer o wefannau sy'n darparu gwybodaeth a gwasanaethau i amryw o grŵpiau o bobl. Bydd yr adrannau hyn yn darparu gorolwg o'r problemau sy'n gysyllteidig â rhai o'r grŵpiau hyn wrth iddynt fyw o ddydd i ddydd. Maent hefyd yn gweithio i hybu'r syniad o gyfleoedd cyfartal, yn codi ymwybyddiaeth ac yn datblygu agwedd barchus a derbyngar. - Digartrefedd
Ceir mynediad at nifer o wefannau'n ymwneud â digartrefedd o fewn Cymru ar y We, gan gynnwys 'Shelter Cymru' a gwefan 'Housemate' a sefydlwyd er mwyn esbonio'r problemau cartrefedd a wynebir gan bobl ifanc. - Dinasyddiaeth
Mae yna ystod o adnoddau sy'n edrych ar ddinasyddiaeth yn bodoli yng Nghymru. Maent yn cynnwys 'Cyfanfyd', 'Cyngor Addysg mewn Dinasyddiaeth Byd (CEWC) Cymru)', 'Creu Cyfle' a'u hymgais i greu cysylltiadau parhaus newydd (yn enwedig rhwng pobl ifanc) yng Nghymru a deg aelod newydd yr Undeb Ewropeaidd (Latfia, Lithwania, Estonia, Gwlad Pŵyl, Hwngari, Y Weriniaeth Tsiec, Slofacia, Slofenia, Cyprus a Malta). Mae'r adran hon yn hybu dealltwriaeth o'r byd cyfoes. - Hawliau sifil a gwleidyddol
Mae'r adran hon yn cynnwys adnoddau o grŵpiau pwysedd yng Nghymru sy'n hybu hawliau sifil a gwleidyddol yn y wlad hon. Maent yn cynnwys grŵpiau pwysedd am yr iaith Gymraeg, a grŵpiau sy'n hybu cydraddodleb ar gyfer merched, grŵpiau hil, pobl ag anableddau, a phobl hoyw, lesbiaidd neu ddeurywiol ar draws y DU. - Gwyddor gwleidyddiaeth, Gweinyddiaeth gyhoeddus
Dwy adran sy'n ymchwilio i wleidyddiaeth a chymdeithas ddemocratig y wlad hon. Mae nifer o'r gwefannau'n cynnig gorolwg o ddemocratiaeth yng Nghymru, gan ddarparu mynediad at wefannau eich cynrychiolwyr lleol chi (AS, AC ac ASE). - Gwyddor gwleidyddiaeth: pobl ifanc
Mae'r adran hon yn edrych ar adnoddau gwleidyddol a grëwyd yn arbennig ar gyfer pobl ifanc, i hybu deialog wleidyddol a chyfranogiad yn y broses wleidyddol. Gellir gweld adnoddau megis 'Heads Up' (gan Gymdeithas Hansard), 'Draig Ffynci' a 'Senedd Ieuenctid Cymru'. - Etholiadau
Mae gwefannau perthnasol yn cynnwys 'Y Vote 2005', sydd ag adnoddau a deunydd dysgu a fydd yn galluogi eich ysgol i gynnal etholiad ffug, ac adran yn arbennig ar gyfer myfyrwyr yng Nghymru. I'r rhan fwyaf ohonom, mae cymryd rhan yn y broses ddemocrataidd yn golygu pleidleisio mewn etholiadau. Crëwyd gwefan 'Fy Mhleidlais I' er mwyn galluogi pobl i ddod o hyd i bopeth sydd angen ei wybodaeth am bleidleisio a'r broses ddemocrataidd er mwyn iddynt hwy fedru cymryd rhan. Mae'r adran hon hefyd yn cynnwys adnoddau sy'n esbonio'r broses ddemocrataidd yng Nghymru. - Rhaglenni diogelwch y cyhoedd a Throseddeg
Mae'r adrannau hyn yn darparu mynediad at ystod eang o adnoddau sy'n ymwneud â diogelwch y cyhoedd, atal trosedd a gwneud ein cymunedau'n lefydd mwy diogel.
Yr Agwedd Alwedigaethol
Mae agwedd alwedigaethol ABCh yn edrych ar y byd gwaith sy'n newid cymaint, gan godi ymwybyddiaeth o feterion yn ymwneud â gwaith. Mae'r adran hon yn cynnwys ystod eang o adnoddau sy'n darparu gwasanaethau a chyngor am wneud dewisiadau gwybodus am ddysgu a gyrfaoedd, ac er mwyn paratoi pobl ar gyfer y byd gwaith. Gellir gweld adnoddau am effaith technolegau newydd, hefyd, yn ogystal ag adrannau o fewn Cymru ar y We sy'n cynnwys gwybodaeth am y gwahanol fathau o swyddi a gyrfaoedd sy'n bodoli yng Nghymru.
Dolenni ABCh sydd gan Cymru ar y We:
- Gyrfaoedd
Darperir mynediad at amryw o wefannau gyrfaoedd o Gymru, sy'n drparu arweiniad ac addysg wych am yrfaeoedd, yn adran yrfaoedd Cymru ar y We. Mae gwefan 'Gyrfa Cymru' yn arbennig o ddefnyddiol, gyda gwybodaeth ac arweiniad am addysg yn ymwneud â gwaith. - Addysg sy'n ymwneud â gwaith
Ar gyfer partneriaethau ysgolion busnes ac addysg sy'n ymwneud â gwaith. - Addysg alwedigaethol a Hyfforddiant galwedigaethol
Mae Cymru ar y We yn cynnwys ystod o wahanol adnoddau am addysg a hyfforddiant galwedigaethol, a natur newidiol gwaith yng Nghymru. - Addysg er cyfrifoldeb cymdeithasol
Adran ar gyfer cynlluniau ac adnoddau sy'n pwysleisio ac yn hybu'r syniad fod dysgu'n rywbeth ar gyfer Cymru gyfan. - Swyddi gwag, Undebau llafur, Pensiynau, Trethi, Diweithdra
Mae yna nifer o adrannau sy'n ymwneud â'r byd gwaith a materion cyflogaeth yn y DU i'w gweld o fewn Cymru ar y We, hefyd. - Dysgu gydol oes/Addysg i oedolion
Dyma restr o fentrau addysg gydol oes yng Nghymru. - Cyngor i ddefnyddwyr
Darperir mynediad at wasanaethau gwybodaeth i ddefnyddwyr o safon yng Nghymru yn yr adran hon. Mae gwefannau cyngor i ddefnyddwyr hefyd yn darparu cyngor ar faterion ariannol ac ar brynu a gwerthu, hefyd. - TGCh: Technoleg Gwybodaeth a Chyfathrebu
Mae TGCh yn chwarae rhan allweddol mewn sawl agwedd o'n bywydau. Mae'r adran hon yn cynnwys amryw o adnoddau am Dechnoleg Gwybodaeth a Chyfathrebu, o fentrau newydd a chyfoes i hyfforddiant sylfaenol.
Yr Agwedd Emosiynol
Mae agwedd emosiynol ABCh yn ffocysu ar reoli eich teimladau ac emosiynau. Gellir gweld adnoddau am ddatrys gwrthdrawiadau a chyd-drafod cytundebau, bwlio ac ymdopi â cholled mewn sawl adran o fewn Cymru ar y We.
Dolenni ABCh sydd gan Cymru ar y We:
- Datrys gwrthdrawiadau/Cyfryngiad
Mae'r adran hon yn cynnwys gwasanaethau cyfryngu yng Nghymru. Gall y gwasanaethau hyn gael effaith uniongyrchol ar osgii, rheoli a datrys gwrthdrawiadau. - Bwlio
Ceir nifer o wahanol fathau o fwlio, ac fe'i welir ym mhob agwedd o'n bywydau. Mae'r adran ar fwlio yn darparu mynediad at adnoddau sy'n cynnig cefnogaeth a gwybodaeth am y pwnc. - Profedigaeth
Adnoddau a gwasanaethau ar gyfer ymdopi gyda cholled. - Cefnogaeth i ddioddefwyr
Mae'r adran hon yn cynnwys mynediad at adnoddau a gwasanaethau a all helpu'r rheiny sydd am ymdopi ag effeithiau trosedd. - Trais yn y cartref
Darperir gwasanaethau gwybodaeth a chefnogaeth gyfrinachol ac am ddim i'r rheiny a effetihiwyd gan drais yn y cartref yn yr adran hon. - Cam-drin plant
Mae rheolaeth a darpariaeth gwasanaethau cam-drin plant yng Nghymru wedi bod yn llygad y cyhoedd yn ddiweddar o ganlyniad i nifer o achosion sydd wedi cael llawer o sylw, yng Nghymru a'r DU. Darperir nifer o adnoddau a gwasanaethau cefnogaeth ar gyfer y rheiny a effeithiwyd gan drais tuag at blant yn yr adran hon. Mae'r adran hefyd yn cynnwys mynediad at 'Childline', sef llinell gymorth 24-awr am ddim ar gyfer plant sy'n dioddef o drais yng Nghymru.
Yr Agwedd Ddysgu
Mae agwedd ddysgu ABCh yn canolbwyntio ar wella perfformiad addysg, ac mae'n cynnwys ymroddiad i ddysgu gydol oes a datblygiad sgiliau newydd a sgiliau allweddol sy'n hanfodol mewn amgylchedd sy'n newid yn gyflym.
Dolenni ABCh sydd gan Cymru ar y We:
- Dysgu gydol oes/Addysg i oedolion
Dyma restr o fentrau a chyfleoedd dysgu gydol oes yng Nghymru. - TGCh: Technoleg Gwybodaeth a Chyfathrebu
Mae TGCh yn chwarae rhan allweddol mewn sawl agwedd o'n bywydau. Mae'r adran hon yn cynnwys amryw o adnoddau am Dechnoleg Gwybodaeth a Chyfathrebu, o fentrau newydd a chyfoes i hyfforddiant sylfaenol. - Llythrennedd
Mae nifer o gyrff a mentrau wedi eu hymroi i hybu llythrennedd yn y DU. Maent yn gweithio mewn partneriaeth ag eraill er mwyn datblygu safonau llythrennedd yn y DU trwy hybu darllen. Dyma adran sy'n darparu rhestr o rai o'r cyrff hyn. - Grantiau: addysg bellach, Grantiau: addysg uwch
Darperir llawer o grantiau ar gyfer y rheiny sydd am barhau gyda'u haddysg mewn sefydliadau addysg bellach neu addysg uwch yng Nghymru. - Dysgu electronig o bell
Galluogir myfyrwyr i astudio yn eu catrefi eu hunain, gyda chefnogaeth lawn gan eu colegau trwy ddatblygiad addysg electronig o bell. Mae'n faes newydd i addysg, ond hefyd yn un sy'n datblygu'n gyflym. Gellir gweld gorolwg gryno o'r cyfleoedd sydd ar gael yng Nghymru ar hyn o bryd yn yr adran hon.
Yr Agwedd Foesol
Mae'r agwedd hon o ABCh yn hybu amgylchedd sefydlog a threfnus, gan gynnwys gwerthoedd cyfrannol, parch, gonestrwydd a chyfrifoldeb. Mae'n ffocysu ar fwlio, dioglewch y ffordd a chynlluniau diogelwch y cyhoedd yng Nghymru.
Dolenni ABCh sydd gan Cymru ar y We:
- Bwlio
Ceir nifer o wahanol fathau o fwlio, ac fe'i welir ym mhob agwedd o'n bywydau. Mae'r adran ar fwlio yn darparu mynedaid at adnoddau sy'n cynnig cefnogaeth a gwybodaeth am y pwnc. - Addysg diogelwch y ffordd
Mae'r adran hon yn darparu mynediad at nifer o fentrau diogelwch y ffordd yng Nghymru, meigs 'Gwyliwch Eich Cyflymder', 'Beicio Diogel Cymru', 'Think! Road Safety' a 'Cyngor Diogelwch y Ffyrdd Cymru (Roscow)'. - Rhaglenni diogelwch y cyhoedd
Mae'r adran hon yn darparu mynediad at ystod eang o adnoddau am ddiogelwch cyhoeddus, atal trosedd a gwneud ein cymunedau'n lefydd saffach. Mae hefyd yn cynnwys mynediad at adnoddau sy'n ymwneud â bygythiadau cyfoes i'r gymdeithas, megis terfysgaeth. - Yr henoed,
Anableddau,
Digartrefedd,
Seicoleg gymunedol,
Anhawsterau dysgu
Mae gan Cymru ar y We nifer o wefannau sy'n darparu gwybodaeth a gwasanaethau i nifer o wahanol grŵpiau o bobl. Gall yr adrannau hyn ddarparu gorolwg o'r problemau sy'n gysylltiedig â'r grŵpiau hyn wrth iddynt fyw bywyd bob dydd. Mae hefyd yn hybu'r syniad o gyfleoedd cyfartal, gan godi ymywbyddiaeth a datblygu agwedd barchus a derbyngar.
Yr Agwedd Gymdeithasol
Mae'r agwedd hon yn canolbwyntio ar adeiladu perthynas effeithiol â phobl a datblygu sgiliau magu plant da, gan ddarparu mynediad at ystod eang o adnoddau sy'n edrych ar bob agwedd o fywyd teuluol, magu plant a gofal cartref.
Dolenni ABCh sydd gan Cymru ar y We:
- Magu plant,
Bywyd teuluol,
Iechyd plant,
Rhieni sengl,
Gofal plant a
Phlant ag anableddau
Mae nifer o adrannau o fewn Cymru ar y We yn darparu mynediad at adnoddau sy'n ymwneud â magu plant a bod yn rieni. - Datrys gwrthdrawiadau/Cyfryngiad
Adran ar gyfer gwasanaethau cyfryngu yng Nghymru. Gall y gwasanaethau hyn gael effaith uniongyrchol ar osgoi, rheoli a datrys gwrthdrawiadau.
Yr Agwedd Ysbrydol
Mae nifer o gymunedau ysgolion yng Nghymru yn cynnwys disgyblion o sawl ffydd, gan gynnwys Cristnogaeth, Hindŵaeth, Sicaeth ac Islam. Ymgymerir ag agwedd gyfunol at addoli er mwyn datblygu agwedd o barch tuag at bob crefydd yn y wlad. Mae'r adran hon yn tynnu sylw at yr adnoddau crefyddol sydd gan Cymru ar y We, gan ddarparu sylfaen i ddod o hyd i wybodaeth gefndirol am y crefyddau sy'n cyd-fyw yng Nghymru.
Dolenni ABCh sydd gan Cymru ar y We:
- Addysg Grefyddol: canllaw Cwricwlwm Cymreig
Ewch at ganllaw Cwricwlwm Cymreig Cymru ar y We er mwyn cael gorolwg o'r deunydd sy'n ymwneud â Christnogaeth a chrefyddau eraill y byd yng Nghymru. - Crefyddau'r byd
Mae nifer o wahanol grefyddau'n cyd-fyw yng Nghymru. Darperir mynediad i adnoddau am Fwdhaeth, Hindŵaeth, Iddewiaeth, Islam a Ffydd y Baha'i yn yr adran hon.
Deunydd dysgu Addysg Bersonol a Chymdeithasol sydd gan GCAD Cymru:
Gwefannau awgrymedig sy'n ymdrin ag Addysg Bersonol a Chymdeithasol yng Nghymru:
- Draig Ffynci
Maer Ddraig Ffynci Cynulliad Plant a Phobl Ifanc Gymru yn cael ei rhedeg gan yr aelodau eu hunain. Ein bwriad yw rhoi cyfle i rai rhwng 0 25 oed i leisio eu barn ar faterion syn effeithio arnyn nhw. Prif swyddogaeth Draig Ffynci yw sicrhau bod barn plant a phobl ifanc yn cael ei glywed, yn enwedig gan Gynulliad Cenedlaethol Cymru, ac i wneud yn siwr eu bod yn cael cymryd rhan yn y broses o wneud penderfyniadau ar lefel genedlaethol. - Plant a Phobl Ifanc
Un o amcanion Llywodraeth y Cynulliand yw helpu Cymry ifanc i gyflawni eu potensial, gan roi dechrau gwell i fywydau plant y wlad a chefnogi'r rheiny sydd angen cymorth. Maent yn gweithio gyda llywodraethau lleol, y Gwasanaeth Iechyd Gwladol a chyrff gwirfoddol er mwyn cyrraedd y nod hwn. Gellir gweld gwybodaeth am yr hyn mae'r Cynulliad yn ei wneud i gyflawni eu hamcanion, gan gynnwys mynegai o bynciau, rhestr o'u cyhoeddiadau a manylion am fentrau Draig Ffynci a Rhoi Plant yn Gyntaf. - Canllaw Ar-lein
Darperir gwybodaeth ynglŷn ag addysg, cyflogaeth, hyfforddiant, iechyd, tai, y gyfraith a hawliau, arian, chwaraeon a hamdden, a'r byd yn gyffredinol gan Canllaw Ar-lein. Anelwyd y wefan bobl ifanc sy'n dechrau ar daith bywyd, gan ddarparu cymorth a chyngor ar y rhan fwyaf o faterion sy'n debygol o'u heffeithio. Mae'r wefan hefyd yn cynnwys adran newyddion ac adran ffocws lle ceir eglurhad o bynciau'r dydd. - Llwybrau Diogel i Ysgolion
Gweithredir y rhaglen Llwybrau Diogel i Ysgolion gan Sustrans. Elusen trafnidiaeth gynaliadawy, sy'n annog pobl i gerdded, beicio neu ddefnyddio trafnidiaeth cyhoeddus er mwyn teithio yn hytrach na defnyddio car, yw Sustrans. Gellir gweld Cynlluniau Teithio Ysgol, digwyddiadau, newyddion, llyfrgell adnoddau a nifer o astudiaethau achos sy'n berthnasol i'r cynllun yng Nghymru ar y wefan hon. - Clic Ar-lein
Gwasanaeth gwybodaeth a chyngor i Gymry ifanc, sy'n cael ei ddatblygu gan Gymdeithas Gyrfa Cymru, yw Clic Ar-lein. Darperir mynediad at ystod eang o wybodaeth ddwyieithog ar-lein i bobl ifanc 11-25 oed, gyda gwybodaeth am ddeg o wahanol feysydd gan gynnwys iechyd, addysg, perthynas, tai, chwaraeon, arian a'r gyfraith. Ei nod yw cynnig gwasanaeth uniongyrchol i ateb holl anghenion gwybodaeth y grŵp oedran arbennig hwn. - Sgiliau Allweddol Cymru
Nod Sgiliau Allweddol Cymru yw cynorthwyo unigolion wrth iddynt hyfforddi darparwyr, ysgolion a cholegau i wella ansawdd darpariaeth sgiliau allweddol ac i gefnogi'r paratoad i bobl ifanc ar gyfer cymwysterau'r sgiliau allweddol. Cyllidir Sgiliau Allweddol Cymru gan Gynulliad Cenedlaethol Cymru, gan ddarparu ystod eang o wasanaethau cefnogi a hyfforddiant o safon uchel. Mae gwefan Sgiliau Allweddol Cymru yn darparu gwybodaeth am ddigwyddiadau a chynadleddau, rheoli sgiliau allweddol yng Nghymru, cefnogaeth i fyfyrwyr a rhestr o brosiectau datblygu sy'n caniatáu i ysgolion a cholegau archwilio ffyrdd newydd neu well o gyflwyno a chredydu Sgiliau Allweddol.